ئازادی هه‌ڵسووڕاوی كرێكاری مه‌حمود ساڵحی له‌ زیندان

359y
به‌ پێی هه‌واڵی گه‌یشتوو، رۆژی شه‌ممه‌ ٩ی مانگی جۆزه‌ردان، “مه‌حموود ساڵحی” هه‌ڵسووڕاوی كرێكاری و ئه‌ندامی كومیته‌ی هه‌ماهه‌نگی له‌ زیندان ئازاد كرا. رۆژی شه‌ممه‌ ٩ی مانگی جۆزه‌ردان، دوابه‌دوای خراپ بوونی بارودۆخی جه‌سته‌یی مه‌حموود ساڵحی “هه‌ڵسووڕاوی كرێكاری و ئه‌ندامی كومیته‌ی هه‌ماهه‌نگی بۆ یارمه‌تیدان به‌ پێكهێنانی رێكخراوه‌ كرێكارییه‌كان”، پاش گوشاری بنه‌ماڵه‌كه‌ی و هاوڕێیانی ئه‌م هه‌ڵسووڕاوه‌ كرێكارییه‌، به‌ دانانی وه‌سیقه‌ له‌ زیندان ئازاد كرا و به‌ره‌ڕووی پێشوازی گه‌رمی هه‌ڵسووڕاوانی كرێكاری له‌ شاره‌كانی سنه‌ و سه‌قز بووه‌. نیشانه‌كان ده‌ریده‌خه‌ن كه‌ كه‌مته‌رخه‌می به‌رپرسانی رژیم به‌رامبه‌ر به‌ نه‌خۆشی كولیه‌ی ئه‌و كه‌سایه‌تیه به‌ناوبانگه‌ی بزوتنه‌وه‌ی كرێكاری، ده‌وری هه‌بووه‌ له‌ توندبوونه‌وه‌ی ئازاری جه‌سته‌ی ئه‌و. رژیم راسته‌وخۆ به‌رپرسیاره‌ له‌ خراپتر بوونی بارودۆخی جه‌سته‌یی مه‌حمود ساڵحی