ئازاد كردنی دوو زیندانی سیاسی به‌ قه‌راری وه‌سیقه‌ی قورس

75 (2)
دوو كه‌س به‌ ناوه‌كانی “سامان ساعێدی و میلاد سه‌ڵه‌واتی” خه‌ڵكی شاری سنه‌ كه‌ پاش مه‌رگی گوماناوی فه‌ریناز خۆسره‌وانی له‌لایه‌ن هێزه‌ ئه‌منیه‌تییه‌كانه‌وه‌ ده‌ستبه‌سه‌ر كرابوون، هه‌ر كام به‌ دانانی وه‌سیقه‌ی ١٠٠ میلیۆن تمه‌نی ئازاد كران.به‌ پێی راپۆرته‌كان، ئه‌م دوو هه‌ڵسووڕاوه‌ مه‌ده‌نییه‌ی خه‌ڵكی شاری سنه‌، به‌ گومانی هاندانی لاوان بۆ به‌شداری له‌ خۆپیشاندانێك له‌دژی هه‌وڵی ده‌ستدرێژی جنسی بۆسه‌ر فه‌ریناز خوسره‌وانی، له‌ لایه‌ن هێزه‌كانی رژیمه‌وه‌ هێرش ده‌كرێته‌ سه‌ر ماڵه‌كه‌یان و ده‌ستبه‌سه‌ر و راپێچی زیندان ده‌كرێن. ئه‌م دوو كه‌سه‌ ماوه‌ی زیاتر له‌ ٢٠ رۆژ له‌ “ستادی خه‌به‌ری” شاری سنه‌ بازداشت كران و له‌ ژێر ئه‌زیه‌ت و ئازار و ئه‌شكه‌نجه‌یه‌كی زۆر، هه‌وڵی ئه‌وه‌یان له‌گه‌ڵ دراوه‌ كه‌ به‌ زۆر ئێعترافیان لێوه‌ربگرن و تۆمه‌تباریان بكه‌ن. سه‌ره‌نجام ناوبراوان دوای ئەوەیكه‌ لە لایەن ئیتلاعاتی سنەوە رادەستی دادگای رژیم له‌ شاری سنه‌ ده‌كرێن، بە هەوڵی بنەماڵەکانیان و بڕیاری قازی بە شێوەی کاتی هەر کام بە دانانی وه‌سیقه‌ی ١٠٠ ملیۆن تمەنی ئازاد کران.

About admin

mnykkargarhastam

View all posts by admin →