ئاماری قوربانیانی خه‌ڵكی مه‌ده‌نی له‌ توركیه‌

357
هەدەپە ڕایگەیاند: لە ماوەى ٤٥ رۆژى رابردوودا هێزە ئەمنییەکانى تورکیه‌ ٧٨ هاوڵاتیى مەدەنیان لە باکوورى کوردستان كوشتووه‌.کۆمسیۆنى یاسا و مافى مرۆڤى پارتى دیموکراتیکى گەلان (هەدەپە) بڵاویکردووە، لە رۆژى ١٧ى ژوئه‌نه‌وه‌ تا ٢٦ى ئاگۆست، هێز ئەمنییەکانى تورکیه‌ لە شار و ناوچە جیاوازەکانى باکوورى کوردستان، ٧٨ هاوڵاتی مه‌ده‌نیان كوشتووه‌. ئاماژە بەوەشکراوە، لە دواى هەڵبژاردنى پەرلەمانى تورکیه‌ لە حەوتى ژوئه‌نه‌وه‌ تا ٢٦ى ئاگۆست، هەزار و ٦٢٨ ئەندام و لایەنگرى هەدەپە، دەبەپە و رێکخراوە چەپەکان لەلایەن هێزە ئەمنییەکانەوە دەستگیر کراون و سزاى زیندانیکردن بەسەر ٢٩٨ کەسیاندا سەپێنراوە. بەشێکى زۆر لە هاوڵاتییە دەستگیرکراوەکان سەرۆکی شارەوانى، ئەندامى باڵاى هەدەپە و ئەندامانى ئەنجوومەنى شارەکانى باکوورى کوردستانن. ئەوەش لە کاتێکدایە لە زۆربەى شار و ناوچە جیاوازەکانى باکوورى کوردستان، لەنێوان هاوڵاتیان و هێزە ئەمنییەکانى تورکیه‌، تێكهه‌ڵچوونی توند روویداوه‌.