ئێعدامی هه‌شت به‌ندكراو له‌ به‌نده‌رعه‌باس و مه‌شهه‌د

62
هه‌شت به‌ندكراو به‌ تۆمه‌تی تاوانه‌كانی پێوه‌ندیدار به‌ مه‌واددی مۆخه‌دێر له‌ زیندانه‌كانی به‌نده‌رعه‌باس و مه‌شهه‌د ئێعدام كران.
به‌پێی ڕاپۆرتی هه‌واڵنێریی هێرانا، سه‌رله‌به‌یانی ڕۆژی شه‌ممه‌ ٢٠ی مانگی خه‌رمانان، حه‌وت مه‌له‌وان به‌ تۆمه‌تی تاوانه‌كانی پێوه‌ندیدار به‌ مه‌واددی مۆخه‌دێر له‌ زیندانی ناوه‌ندیی به‌نده‌رعه‌باس ئێعدام كران. نازناوی ئه‌م به‌ندكراوانه‌ بریتین له‌ “قاسم ده‌ریانه‌وه‌رد”، “ئه‌مین بیباك”، “خه‌سره‌و بادپا”، “سه‌تار هووت”، “محه‌ممه‌د حه‌نیف”، “هاروون هه‌یكه‌ل نێژاد” و “تارق تاڕاج”. له‌ هه‌واڵێكی دیكه‌ دا، هه‌فته‌ی ڕابردووش به‌ندكراوێكی دانیشتووی شارستانی مه‌ره‌ند له‌ ئۆستانی ئازه‌ربایجانی شه‌رقی، به‌تۆمه‌تی “ڕاگرتنی مه‌واددی مۆخه‌دێر” له‌ زیندانی وه‌كیل ئابادی مه‌شه‌د له‌سێداره‌ درا.