بارودۆخی خراپی جه‌سته‌یی ئاسۆ روسته‌می لە زیندانی ئێوین

332
“ئاسۆ رۆستەمی” هه‌ڵسووڕاوی مه‌ده‌نی به‌ندكراو له‌ بەندی ٨ی زیندانی ئێوین، تووشی سه‌كته‌ی مه‌غزی بووه‌.
شەوی سێشه‌ممه‌ی ئه‌م هه‌فته‌یه‌ “ئاسۆ رۆستمی” هه‌ڵسووڕاوی مه‌ده‌نی به‌ندكراو، له‌ زیندانی ئێوین تووشی سه‌كته‌ی مه‌غزی بووه‌ بۆ بێهداریی زیندانی گواسترایه‌وه‌. به‌ڵام له‌ بێهداری زیندانه‌وه‌ به‌ بێ هیچ چاودێرییه‌ك سه‌رله‌نوێ بۆ به‌ند گواسترایه‌وه‌ و له‌ حاڵی حازردا له‌ بارودۆخێكی خراپی جه‌سته‌یی دا به‌سه‌ر ده‌بات. جێگای وه‌بیرهێنانه‌وه‌یه‌ كه‌ ئاسۆ رۆستمی هه‌ڵسووڕاوی مەدەنی ٢٨ ساڵ ته‌مه‌ن، رێكەوتی ١٦ی مانگی رەزبەری ساڵی رابردوو، پاش كۆبوونەوە لە بەردەم دەفتەری رێكخراوی نەتەوەیەكگرتووەكان بە مەبەستی پشتیوانی لە خۆڕاگریی خەڵكی كۆبانی هاوڕێ لەگەڵ چەند چالاكێكی دیكە، ده‌ستبه‌سه‌ر و پاش راگرتن و لێپرسینەوە، بۆ بەندی ٨ی زیندانی ئێوین گواسترایه‌وه‌. ناوبراو هاوڕێ لەگەڵ ٣ چالاكی مەدەنی دیكە، لە لایەن لقی ٢٨ی دادگای رژیم بە سەرۆكایەتی قازیی موقه‌یسه‌، سه‌رجه‌م بە ٣٨ ساڵ زیندان مه‌حكوم كران.