بارودۆخی خراپی جه‌سته‌یی ئه‌فشین سوهراب زاده‌ له‌ زیندان

347
زیندانی سیاسی “ئه‌فشین سوهراب زاده‌” خه‌ڵكی شاری كرماشان به‌ندكراو له‌ زیندانی ناوه‌ندی “میناب” به‌ هۆی نه‌خۆشی سه‌ره‌تانی ریخۆڵه، له‌ بارودۆخێكی خراپی جه‌سته‌ییدا به‌سه‌ر ده‌بات.
به‌ پێی راپۆرتی كانونی داكۆكیكارانی مافی مرۆڤی كوردستان، ئه‌م زیندانییه‌ سیاسییه‌ دوای تپێه‌ڕ كردنی دوو ساڵ داواكاری به‌رده‌وام بۆ چاره‌سه‌ر كردنی نه‌خۆشیه‌كه‌ی، سه‌رئه‌نجام سه‌رله‌به‌یانی رۆژی دووشه‌ممه‌ ٢ی مانگی خه‌رمانان، له‌ زیندانی مینابه‌وه‌ بۆ زیندانی ئێوین گواسترایه‌وه‌، به‌ڵام پاش دوو رۆژ به‌ بێ هیچ چاره‌سه‌رێكی پزیشكی به‌ داواكاری دادستانی كوردستان، سه‌رله‌نوێ بۆ زیندانی میناب گه‌ڕێندرایه‌وه‌. شایانی باسه‌، “ئه‌فشین سوهراب زاده‌” ته‌مه‌ن ٢٤ ساڵ، ساڵی ١٣٨٩ له‌لایه‌ن ئیداری ئیتلاعاتی شاری كامیارانه‌وه‌ ده‌ستبه‌سه‌ر و له‌ لایه‌ن لقی ٢ی دادگای رژیم له‌ شاری سنه‌ به‌ تۆمه‌تی “محاربه” له‌ رێگای ئه‌ندامیه‌تی له‌ یه‌كێك له‌ حیزبه‌كانی نه‌یاری رژیم، به‌ ٢٥ ساڵ زیندان و ته‌بعید بۆ زیندانی میناب مه‌حكوم كرا.