بارودۆخی ناله‌باری به‌ندی ژنانی زیندانی ناوه‌ندی سنه‌

17y
بارودۆخی بێهداشتی و ریفاهی به‌ندی ژنانی زیندانی ناوه‌ندی سنه‌ زۆر خراپ و ناله‌بار راگه‌یه‌ندراوه‌.سه‌ره‌ڕای ئه‌وه‌یكه‌ زیاتر له‌ ١٦ زیندانیی له‌ به‌ندی ژنانی زیندانی سنه‌ به‌ تۆمه‌تگه‌لێكی جیاجیا راگیراون، به‌ڵام ئه‌م به‌نده‌ ته‌نیا هه‌واخۆرییه‌كی زۆر بچووكی هه‌یه‌ كه‌ نزیكه‌ی پێنج یان ٦ میتره‌، هه‌ر بۆیه‌ زیندانیان له‌ مافی هه‌واخۆری بێبه‌شن. هه‌روه‌ها تا ئێستا به‌ندی زیندانیانی سیاسی ژن، له‌ به‌ندی گشتی ژنان جیا نه‌بۆته‌وه‌ و ته‌نیا به‌ندێكی ژنان له‌ زیندانی سنه‌دا هه‌یه‌. له‌ پاڵ ئیمكاناتی زۆر كه‌می زیندان، زیندانیانی سیاسی ژن له‌ مافی مولاقاتی حزووری بێبه‌ش كراون و ته‌له‌فوونه‌كانی ئه‌م به‌نده‌ش له‌ ماوه‌ی چه‌ند مانگ له‌وه‌پێشه‌وه‌ بڕاوه‌.