بارودۆخی ناله‌باری سێ هاوڵاتی ده‌ستبه‌سه‌ر كراو له‌ زیندانی خۆی

445t

 

راپۆرته‌كان باس له‌وه‌ ده‌كه‌ن كه‌، بارودۆخی سێ كه‌س له‌ هاوڵاتیانی خه‌ڵكی شاری خۆی له‌ زیندانی ئه‌م شاره‌ خراپ و ناله‌باره‌.
به‌ پێی راپۆرتی كه‌مپه‌ینی دیفاع له‌ زیندانیانی سیاسی و مه‌ده‌نی، “ئه‌مین حاجیلوو”، “ئیسلام عه‌لی ئه‌كبه‌رلوو” و “ئاراز خاسه‌تراش” له‌ ده‌ستبه‌سه‌ر كراوانی ئه‌م دواییانه‌ی شاری خۆی، له‌ رۆژی چوارشه‌ممه‌ ٢٩ی مانگی رێبه‌ندانه‌وه‌ ده‌ستبه‌سه‌ر و بۆ به‌ندی قه‌ره‌نتینه‌ی زیندانی خۆی گواستراونه‌ته‌وه‌‌ و پاش تێپه‌ڕ بوونی ١٠ رۆژ، هه‌روا له‌ ژووری تاكه‌كه‌سی به‌سه‌ر ده‌به‌ن. جێگای ئاماژه‌یه‌ “ئیسلام عه‌لی ئه‌كبه‌رلوو و ئاراز خاسه‌تراش” مولاقاتیان لێ قه‌ده‌غه‌ كراوه‌ و هه‌وڵی بنه‌ماڵه‌كانیان بۆ مولاقات و یان هه‌ر چه‌شنه هه‌واڵێك له‌وان بێ ئاكام ماوه‌ته‌وه‌. به‌ پێی ئه‌م راپۆرته‌، ئه‌م كه‌سانه‌ له‌ ماوه‌ی ئه‌م چه‌ند رۆژه‌دا به‌ چه‌ندین جار له‌ زیندان خۆی بۆ ئیداره‌ی ئیتلاعات گواسترانه‌وه‌ و لێپرسینه‌وه‌یان لێكرا.