بانگ كرانی ده‌یان كه‌شاوه‌رز بۆ ناوه‌نده‌كانی قه‌زایی رژیم له‌ شاری قوروه‌

94y
به‌ پێی راپۆرته‌كان، له‌ ماوه‌ی ساڵی رابردۆوه‌ تا ئێستا، نزیكه‌ی ١٢٨ كه‌شاوه‌رز به‌ هۆی لێدانی چا و ده‌رهێنانی ئاوی ئیزافی، له‌ لایه‌ن به‌رپرسانی ئیداره‌ی ئاوی شاری قوروه‌، بۆ ناوه‌نده‌كانی قه‌زایی رژیم بانگ كراون.به‌ پێی ئه‌م راپۆرته‌، ئه‌م كه‌شاوه‌رزانه‌ به‌ هۆی لێدانی “چا”ی قووڵ و نیوه‌قوڵ و ده‌رهێنانی له‌ڕاده‌به‌ده‌ری ئاوه‌ ژێرزه‌مینییه‌كان، بۆ ناوه‌نده‌كانی قه‌زایی رژیم له‌ شاری قوروه‌ بانگ كراون و له‌م ژماره‌یه‌ بۆ ٦٨ كه‌سیان حوكم ده‌ركراوه‌. شایانی باسه‌، زه‌وییه‌كانی ده‌وروبه‌ری قوروه‌، دێگولان و له‌یلاخ زیاتر له‌ ٣٣٠ هه‌زار هێكتار زه‌وی كشت و كاڵی تێدایه‌ و یه‌كێك له‌ ناوه‌نده‌كانی كه‌شاوه‌رزی ئۆستانی كوردستان به‌ ئه‌ژمار دێت.