بانگ كران و ده‌ستبه‌سه‌ركرانی چالاكانی بواری مۆدێلینگ له‌ مه‌شهه‌د

49
كاربه‌ده‌ستانی قه‌زایی ڕژیم له‌ مه‌شهه‌د، باس له‌ پۆلۆپ كرانی هه‌شت ناوه‌ندی چالاك له‌ بواری مۆدێلێنگ، ٣٠ حاڵه‌تی ئێحزار و ده‌ستبه‌سه‌ر كرانی ٦ كه‌س له‌مشاره‌ ده‌كه‌ن.
جێگری دادستانی مه‌شهه‌د له‌ ڕێی ڕاگه‌یاندنی ئه‌م هه‌واڵه‌ پشتڕاستی كرده‌وه‌ كه‌ به‌ ئه‌گه‌ری زۆر‌ ئه‌و كه‌سانه‌یه‌كه‌ ده‌ستبه‌سه‌ر كراون به‌ یه‌ك هه‌تا ١٠ ساڵ زیندان مه‌حكووم بكرێن. ماوه‌ی چه‌ند مانگ له‌مه‌وبه‌ر سپای پاسداران باسی له‌ به‌كرده‌وه‌ ده‌رهێنانی پڕۆژه‌ی “عه‌نكه‌بووتی ٢”، بۆ به‌ره‌نگاربوونه‌وه‌ له‌گه‌ڵ مۆدێلینگ له‌ ئینستاگڕام كربوو و ڕایگه‌یاند كه‌ بۆ ٢٩ كه‌س له‌م پێوه‌نده‌دا په‌روه‌نده‌ی قه‌زایی درووست كراوه‌ و ٨ كه‌سیش ده‌ستبه‌سه‌ر كراون. له‌ مانگی گوڵانیشدا، باسیان له‌ په‌یگیریی و به‌دواداچوونی قه‌زایی بۆ ١٧٠ كه‌سی دیكه‌ كرد‌. شایانی باسه‌، كاربه‌ده‌ستانی ئه‌منییه‌تیی ڕژیم له‌ ماوه‌ی چه‌ند مانگی دواییدا له‌ ڕێگه‌ی چه‌ندین گه‌ڵاڵه‌ی هاوشێوه‌ و به‌ وته‌ی خۆیان به‌ ئامانجی “گه‌شه‌پێدان به‌ ئاسایه‌شی كۆمه‌ڵایه‌تیی” له‌ شاره‌ جیاجیاكان، ده‌ستیان كردووه‌ به‌ ئازار و ئه‌زییه‌تی خه‌ڵك. له‌ ماوه‌ی ڕۆژانی ١٣ و ١٤ی مانگی خه‌رمانانیشدا، لانیكه‌م ٩٠٠ كه‌س له‌ شیراز و له‌ پێوه‌ند له‌گه‌ڵ ئه‌مجۆره‌ گۆشاره‌ كۆمه‌ڵایه‌تییانه‌ی ڕژیم بۆ سه‌ر خه‌ڵك، ده‌ستبه‌سه‌ر كراون.