به‌رده‌وامی چوونه‌سه‌ره‌وه‌ی ژماره‌ی تووشبوان به‌ كۆرۆنا له‌ ئاستی جیهان

ڕاپۆرتهكان باس لهوه‌ دهكهن كه‌ لەگەڵ ئەوەى لە مانگى نۆوامبری ساڵى ڕابردوودا یەکەم ڤاکسینى دژ بە کۆرۆنا رێژەى سەرکەوتنى بەسەر ویرووسی کۆرۆنادا راگەیاند، بەڵام تا ئێستاش ژمارەى توشبوان و گیان لەدەستدان بهم ویرووسه‌ لە جیهان بەردەوامە لە بەرزبونەوه  دایه‌.

بەپێى داتا جیهانییەکان، ژمارهی تووشبوان بە ویرووسی کۆرۆنا لە جیهاندا ٩٠ ملیۆنی تیپەڕاندووه‌ و گەیشتووهته‌ ٩٠ ملیۆن و ٨٤ ههزار و ٧٧٢ كهس و لەو ژمارەیەش، یهك ملیۆن و ٩٣٤ ههزار و ٩٢٥ كهس گیانیان لەدەستداوە و ٦٤ ملیۆن و ٤٦٧ ههزار و ٥ كهسیش چاکبونەتەوەتا ئێستاش ئەمریکا لە ریزبەندى یەکەمین وڵاتدایە کە زۆرترین ئاماری تووشبوانی تێدا تۆماركراوه‌ و ژمارەى توشبوان لهم وڵاته‌ گەیشتوەتە ٢٢ ملیۆن و ٦٩٩ ههزار و ٩٣٨ كهس، دواتر هەریەکە لە وڵاتانی هێندوستان، بهڕازیل، ڕووسییه‌ و بریتانیا دێن.