به‌ڕێوه‌بردنی كۆبوونه‌وه‌ی جه‌ماوه‌ریی رۆژێكم بۆ زرێبار

324t

گەورەترین کۆبوونەوەی جەماوەری بە مەبەستی پاراستنی ده‌ریاچه‌ی زرێبار، لەلایەن ئەنجومەنی “سەوزی چیا” و بە هاوکاریی ئەنجومە ژینگەپارێزییەکانی ئوستانی کوردستان، لەژێرناوی “رۆژێكم بۆ زرێبار” له‌ مەریوان بەڕێوەدەچێت.
رۆژی جومعه‌ ٢٤ی رێبەندان، خەڵکی شاری مەریوان و شارەکانی دیکەی کوردستان، لەسەر بانگەوازی ئەنجومەنی سەوزی چیای مەریوان و بە هاوکاریی رێکخراوە ژینگەپارێزییەکان، بە رێپێوانێک لە گۆڕەپانی (بێسارانی)یەوە تا ده‌ریاچه‌ی زرێبار، هەڵویستی خۆیان سەبارەت بە پاراستنی ئه‌م ده‌ریاچه‌یه‌ دەردەبڕن. شایانی باسه‌ ئامانج له‌ به‌ڕێوه‌بردنی ئەم کۆبوونەوەیە کە بە بۆنەی رۆژی جیهانیی تاڵاوەکانەوە بەڕێوەدەچێت، ئه‌وه‌یه‌ كه‌ بۆ رزگار کردنی ده‌ریاچه‌ی زرێبار بەرپرسان و لایەنە پێوه‌ندیداره‌كان به‌ شێوه‌یه‌كی جیدی بخرێنه‌ ژێر گوشاره‌وه‌ و هه‌وڵ بۆ رزگار كردنی ده‌ریاچه‌ی زرێبار بدرێت. شایانی باسه‌ بڕیار وایە لەم کۆبوونەوەیەدا، پەیامی پاراستنی ده‌ریاچه‌ی زرێبار بخوێندرێتەوە و شانۆی سەرشەقام، بەرنامەی جۆراوجۆری فەرهەنگی و وەرزشیش بەڕێوەبچێت.