به‌ڕێوه‌چوونی مه‌راسمی ساڵڕۆژی پێكهێنانی حێزب له‌ فه‌نلاند

699
به‌ پێی راپۆرتی كومیته‌ی ده‌ره‌وه‌ی وڵاتی حێزبی كۆمۆنیستی ئێران واحێدی فه‌نلاند، رۆژی شه‌ممه‌ی ئه‌م هه‌فته‌یه‌ مه‌راسمێك به‌ بۆنه‌ی ٣٢همین ساڵڕۆژی دامه‌زراندنی حێزبی كۆمۆنیستی ئێران له‌ فه‌نلاند به‌ڕێوه‌چوو. مه‌راسمه‌كه‌ به‌ سرودی ئه‌نترناسیوناڵ و ده‌قیقه‌یه‌ك بێده‌نگی بۆ رێزگرتن له‌ یادوبیره‌وه‌ری سه‌رجه‌م گیان به‌ختكردووانی رێگای ئازادی و سوسیالیزم ده‌ستیپێكرد. بێده‌نگیه‌كه‌ به‌ سرودێكی شۆڕشگێڕانه‌ له‌ لایه‌ن گروپی موزیكی “موكریان” شكێندرا. پاشان هاوڕێ “مه‌رزیه‌ نه‌زه‌ری” ئه‌ندامی كومیته‌ی ناوه‌ندی حێزبی كۆمۆنیستی ئێران له‌ پێوه‌ند گرینگی پێكهێنانی حێزبی كۆمۆنیستی ئێران و هه‌روه‌ها بارودۆخی ئێستای جیهان سوخه‌نڕانی كرد. مه‌راسمه‌كه‌ له‌ نێو شادی و خۆشی به‌شداربووان كۆتایی پێهات.