به‌ڕێوه‌چوونی ڕێوره‌سم به‌ بۆنه‌ی ساڵڕۆژی پێكهاتنی حیزبی كۆمۆنیستی ئێران له‌ ژاوه‌رۆ و كه‌ڵاته‌رزان

397w

كۆمه‌ڵێك له‌ دۆستان و لایه‌نگرانی كۆمه‌ڵه‌ و حیزبی كۆمۆنیستی ئێران له‌ ناوچه‌ی “ژاوه‌رۆ و كه‌ڵاته‌رزان” به‌ بۆنه‌ی ساڵڕۆژی پێكهاتنی حیزبی كۆمۆنیستی ئێرانه‌وه‌ هه‌ڵده‌ستن به‌ به‌ڕێوه‌بردنی ڕێوڕه‌سمێك.
به‌پێی هه‌واڵی گه‌یشتوو، سه‌ره‌تای ڕێوڕه‌سمه‌كه‌ سروودی ئه‌نترناسیۆناڵ سروودی هاوپشتیی جیهانیی چینی كرێكار و ڕاگرتنی یه‌ك ده‌قه‌ بێده‌نگی بۆ ڕێزگرتن له‌ یادی سه‌رجه‌م هاوڕێیانی گیانبه‌ختكردووی ڕێبازی ئازادیی و سۆسیالیسم بوو. بێده‌نگییه‌كه‌ به‌ خوێندنه‌وه‌ی پارچه‌ شێعرێك شكێندراو و له‌ درێژه‌‌دا یه‌كێك له‌ به‌شداربووان سه‌باره‌ت به‌ چۆنیه‌تیی پێكهاتنی حیزبی كۆمۆنیستی ئێران و یاد و بیره‌وه‌رییه‌كانی سێ سیمای خۆشنێو و كۆمۆنیستی نێو ریزكانی كۆمه‌ڵه‌ و حیزبی كۆمۆنیستی ئێران “فوئادی مۆسته‌فا سوڵتانی”، “سدیق كه‌مانگه‌ر” و “غۆڵامی كه‌شاوه‌رز” قسه‌وباسێكی پێشكه‌ش به‌ ئاماده‌بووان كرد. ڕێوه‌ڕسمه‌كه‌ له‌ نێو شایی و خۆشی به‌شداربوواندا كۆتایی پێهات.