به‌ڕێوه‌چوونی ڕێوڕه‌سمی ڕێزلێنان له‌ساڵرۆژی دامه‌زراندنی حیزبی كۆمۆنیستی ئێران له‌باره‌گای ناوه‌ندی كۆمه‌ڵه‌

ڕۆژی هه‌ینی ١٢ی مانگی خه‌رمانانی ١٤٠٠ی هه‌تاوی، ، به‌ ئاماده‌بوونی سه‌دان پێشمه‌رگه‌ و لایه‌نگری كۆمه‌ڵه‌، ڕێوڕه‌سمی ساڵڕۆژی دامه‌زراندنی حیزبی كۆمۆنیستی ئێران له‌ باره‌گای ناوه‌ندی كۆمه‌ڵه‌ له‌ ناوچه‌ی سلێمانی به‌ڕێوه‌چوو .

سه‌ره‌تا له‌م ڕێوڕه‌سمه‌دا له‌دوای به‌خه‌یر هاتنی میوانان و ڕاگه‌یاندنی ڕیزی بڕگه‌ و بابه‌ته‌كان له‌ لایه‌ن هاوڕێ “شلێر یووسفی” به‌ڕێوبه‌ری مه‌راسمه‌كه‌ ، ڕێوڕه‌سمه‌كه‌ به‌ خۆیندنه‌وه‌ی سروودی ئه‌نترناسیۆناڵ له‌ لایه‌ن كۆڕی سروودی پێشمه‌رگه‌كانی كۆمه‌ڵه‌ و چڕكه‌یه‌ك ڕاوه‌ستان و بێ ده‌نگی بۆ ڕێزلێنان له‌ یادی هه‌موو گیان به‌ختكردووانی ڕێگای ئازادی و سوسیالیزم ده‌ستی پێكرد . پاشان به‌ خوێندنه‌وه‌ی پارچه‌ شێعرێك بێ ده‌نگییه‌كه‌ شكێندرا و دواتر له‌ لایه‌ن هاوڕێ “فه‌ره‌یدوون نازری” ئه‌ندامی كۆمیته‌ ناوه‌ندی كۆمه‌ڵه‌، به‌ بۆنه‌ی هاتنه‌وه‌ی ساڵڕۆژی دامه‌زراندنی حیزبی كۆمۆنیستی ئێران وتارێك پێشكه‌ش كراله‌ درێژه‌ی ڕێوه‌ڕه‌سمه‌كه‌دا دووباره‌ له‌ لایه‌ن كۆری سروودی پێشمه‌رگه‌كانی كۆمه‌ڵه‌ ، سروودی “بژی حیزبی خه‌باتكار” پێشكه‌ش كراشایانی باسه‌ له‌ كۆتاییدا ڕێوڕه‌سمه‌كه‌ له‌ ناو شادی و خۆشی ئاماده‌بووان كۆتایی پێهات .