به‌ڕێوچوونی مه‌راسمی ئه‌وه‌ڵی مانگی مه‌ی له‌ تۆرێنتۆی كانادا

297y
به‌ پێی راپۆرتی “ته‌شكیلاتی ده‌ره‌وه‌ی وڵاتی حێزبی كۆمۆنیستی ئێران واحیدی كانادا”، رۆژی شه‌ممه‌ ٢ی مانگی مه‌ی مه‌راسمێك به‌ به‌شداری ئه‌ندامان و دۆستدارانی حێزبه‌ چه‌پ و كۆمۆنیسته‌كانی ئێران و عێراق له‌ شاری “تۆرێنتۆ”ی كانادا به‌ڕێوه‌چوو.مه‌راسمه‌كه‌ به‌ خوێندنه‌وه‌ی لیستی ریزی به‌رنامه‌كان له‌ لایه‌ن موجری رێوڕه‌سمه‌كه‌ “بهزاد محه‌ممه‌دی” ده‌ستیپێكرد و پاشان به‌ بڵاوكردنه‌وه‌ی سرودی ئه‌نترناسیوناڵ و یه‌ك ده‌قیقه‌ بێده‌نگی بۆ رێزگرتن له‌‌ یادوبیره‌وه‌ری سه‌رجه‌م گیانبه‌ختكردووانی رێگای ئازادی ئینسان و كۆمۆنیزم درێژه‌ی كێشا. دواتر، په‌یامی هه‌ڵسووڕاوانی كرێكاری به‌ندكراوی رژیم ئیسلامی خوێندرایه‌وه‌ و نوێنه‌رانی ئه‌حزابی به‌شداربوو، قسه‌ و باسێكیان پێشكه‌ش كرد. هه‌روه‌ها راگه‌یاندنی كومیته‌ی ناوه‌ندی حێزبی كۆمۆنیستی ئێران به‌ بۆنه‌ی ئه‌وه‌ڵی مانگی مه‌ی له‌ لایه‌ن “شاهین خه‌لیلی”‌ خوێندرایه‌وه‌. شایانی باسه‌ هاوكات له‌گه‌ڵ رۆژی ئه‌وه‌ڵی مانگی “مه‌ی”ش خۆپیشاندانێكی به‌رین به‌ به‌شداری چه‌ندین هه‌زار كه‌س له‌ ناوه‌ندی شاری “تۆرێنتۆ” به‌ بۆنه‌ی رێزلێگرتنی رۆژی جیهانی كرێكار به‌ڕێوه‌برابوو كه‌ هاوڕێیانی ته‌شكیلاتی ده‌ره‌وه‌ی وڵاتی حێزبی كۆمۆنیستی ئێران واحێدی “كانادا”ش به‌ به‌رزكردنه‌وه‌ی پلاكارد و ئاڵای سوور و وێنه‌ی هه‌ڵسووڕاوانی كرێكاری به‌ندكراوی رژیم، له‌م خۆپیشاندانه‌دا به‌شداریان كردبوو.

About admin

mnykkargarhastam

View all posts by admin →