به‌یانییه‌ی شورای هه‌ماهه‌نگی رێكخراوی سێنفی فه‌رهه‌نگیانی سه‌رتاسه‌ری وڵات

466q
“شورای هه‌ماهه‌نگی رێكخراوی سێنفی فه‌رهه‌نگیانی سه‌رتاسه‌ری وڵات” له‌ راگه‌یاندنێكدا سه‌باره‌ت به‌ بارودۆخی جه‌سته‌یی “مه‌حمود به‌هه‌شتی له‌نگروودی” دوابه‌دوای مانگرتن له‌ خواردن، نیگه‌رانیان ده‌ربڕیوه‌.
له‌ به‌شێك له‌م به‌یانییه‌دا راگه‌یه‌ندراوه‌: “مه‌حمود به‌هه‌شتی له‌نگروودی وته‌بێژی كانونی سێنفی موعه‌لیمانی تاران له‌ رێكه‌وتی ٥ی مانگی سه‌رماوه‌ز له‌ زیندانی ئێوین له‌ مانگرتن له‌ خواردن به‌سه‌ر ده‌بات و ژیانی به‌ شێوه‌یه‌كی جیدی كه‌وتۆته مه‌ترسیه‌وه‌. ناوبراو له‌ ناڕه‌زایه‌تی به‌ ره‌وت و شێوه‌ی دادگایی كرانی و رێگاپێنه‌دانی بۆ دیفاع له‌ خۆی و له‌ ناڕه‌زایه‌تی به‌ ده‌نگی دادگا، مانی له‌ خواردن گرتووه‌. تۆمه‌تگه‌لێكی وه‌ك: “چالاكی له‌دژی ئه‌منیه‌تی میللی، هه‌ولی نهێنی و ته‌بلیغ له‌دژی نیزام” كه‌ له‌ دادگای رژیم خراوه‌پاڵ ناوبراو، درۆ و ناڕاستن. شورای هه‌ماهه‌نگی رێكخراوی سێنفی فه‌رهه‌نگیانی سه‌رتاسه‌ری وڵات، به‌رپرسایه‌تی گیان و سڵامه‌تی ناوبراو له‌ ئه‌ستۆی ناوه‌نده‌ پێوه‌ندیداره‌كانی رژیم ده‌زانێت و ده‌بێ وڵامده‌ره‌وه‌ بێت‌.”