به‌یانییه‌ی كۆمه‌ڵێك له‌ ژنانی كرماشان بۆ پشتیوانی له‌ خۆراگری خه‌ڵكی كوردستانی توركییه‌

75q
كۆمه‌ڵێك له‌ ژنانی ئازادیخوازی كرماشان، به‌ ده‌ركردنی به‌یانییه‌یه‌ك له‌ ژێر ناوی “بێده‌نگه‌ كردن له‌ ئاست جه‌نایه‌تی ئه‌ردۆغان به‌ واتای مه‌رگی ویژدان و شه‌رافه‌تی مرۆیی یه‌” هێرشی ئه‌رته‌شی توركییه‌ بۆ سه‌ر شاره‌كانی باكووری كوردستانیان‌ مه‌حكوم كرد و پشتیوانی خۆشیان له‌ خۆراگری خه‌ڵكی ئه‌م ناوچه‌یه‌ راگه‌یاند.
له‌به‌شێك له‌م ‌به‌یانییه‌دا هاتووه‌: “ئێمه‌ كۆمه‌ڵێك له‌ ژنانی ئازادیخوازی كرماشان، ده‌ستدرێژی حكومه‌تی ئه‌ردۆغانی ڤاشیست و هاوپه‌یمانه‌كانی له‌ باكووری كوردستان و له‌شكركێشیی بۆ باشووری كوردستان مه‌حكووم ده‌كه‌ین. داوا له‌ سه‌رجه‌م كۆمه‌ڵگه‌ی مرۆیی به‌ تایبه‌ت خه‌ڵكی شه‌ریف له‌ كوردستان ئێرانیش ده‌كه‌ین، تا له‌دژی ده‌ستدرێژی یه‌ نامرۆڤانه‌كانی حكومه‌تی توركییه‌ وه‌ده‌نگ بێن و هه‌تا گه‌یشتن به‌ ئازادیی، خه‌باتی خۆیان درێژه‌ پێ بده‌ن. مه‌رگ و نه‌مان بۆ ده‌ستدرێژی ئه‌ردۆغان، بژی خۆبه‌رێوه‌به‌ری و خۆڕاگری خه‌ڵكی كوردستانی توركییه‌.”