تووڕه‌یی جه‌ماوه‌ری خه‌ڵكی شاری مهاباد له‌ جه‌نایه‌تی هۆتێل تارا

212y
به‌ پێی هه‌واڵی گه‌یشتوو، جه‌ماوه‌ری خه‌ڵكی شاری مهاباد به‌ شێوه‌ی جۆراوجۆر، بێزاری خۆیان له‌و كه‌سانه‌ی كه‌ بوونه‌ هۆی گیان له‌ده‌ستدانی فه‌ریناز خوسره‌وانی ده‌ربڕیوه‌.به‌ پێی هه‌واڵه‌كان، خه‌ڵك خۆیان بۆ خۆپیشاندانێك له‌ به‌رده‌م هوتێل تارا كه‌ ئه‌م جه‌نایه‌ته‌ تێدا روویداوه‌، ئاماده‌ ده‌كه‌ن. جێگای ئاماژه‌یه‌ فه‌ریناز خوسره‌وانی كارمه‌ندی به‌شی په‌زیرشی هوتێل تارا، شه‌وی دووشه‌ممه‌ ١٤ی گوڵان له‌ نهۆمی چواره‌می ئه‌م هۆتێله‌، له‌ كاتێكدا كه‌ كارمه‌ندێكی ئیداره‌ی ئیتلاعات هه‌وڵی داوه‌ ده‌ستدرێژی بكاته‌ سه‌ر، خۆی فرێ داوه‌ یان فڕێ دراوه‌ته‌وه‌ خواره‌وه‌ و گیانی له‌ده‌ستدا. جه‌ماوه‌ری شاری مهاباد خوازیاری ناساندن و دادگایی كردنی هه‌رچی خێرای ئه‌و كه‌سانه‌ن كه‌ بوونه‌ هۆی گیان له‌ده‌ستدانی فه‌ریناز خوسره‌وانی.