حه‌ره‌كه‌تی ناڕه‌زایه‌تی خه‌ڵكی ناوچه‌ی هه‌ورامان

312
به‌ پێی راپۆرته‌كان، دانیشتوانی ناوچه‌ی هه‌ورامان سه‌باره‌ت به‌ دروست كردنی سه‌دی بڵبه‌ر و كاره‌ساته‌ ژینگه‌ییه‌كه‌ی، به‌ شێوه‌ی به‌كۆمه‌ڵ ناڕه‌زایه‌تیان ده‌ربڕی.به‌ پێی ئه‌م راپۆرته‌، ناڕازییان به‌ نیشانه‌ی ئێعتراز به‌ دروست كردنی ئه‌م سه‌ده‌ و كاره‌ساته‌ ژینگه‌ییه‌كانی دوابه‌دوای ئه‌م كرده‌وه‌یه‌ به‌ شێوه‌یه‌كی به‌كۆمه‌ڵ قۆڕاویان كرده‌ سه‌ر خۆیان. سه‌ره‌ڕای ناڕه‌زایه‌تی به‌كۆمه‌ڵی دانیشتووانی ناوچه‌ی هه‌ورامان سه‌باره‌ت به‌ دوو سه‌دی “داریان و بڵبه‌ر” كه‌ پۆششی گیاهی و جانه‌وه‌ری و سه‌روشتی ئه‌م ناوچه‌یه‌ له‌نێو ده‌بات، به‌ڵام كاربه‌ده‌ستانی رژیم به‌ حه‌ره‌كه‌تی ناڕه‌زایه‌تی و دژایه‌تی خه‌ڵكی ناوچه‌ی مه‌ریوان و هه‌ڵسووڕاوانی ژینگه‌پارێز، هیچ سه‌رنجێك ناده‌ن و هه‌روا به‌ پرۆژه‌ بێ سه‌ره‌وبه‌ره‌كانیان بۆ له‌نێوچوونی سروشتی كوردستان درێژه‌ ده‌ده‌ن.