خۆبواردنی په‌ناخوازان له‌ چوون بۆ ئوردوگای په‌نابه‌ران له‌ مه‌جارستان

341
به‌ پێی راپۆرتی “هه‌واڵنێری فه‌رانسه‌”، رۆژی پێنجشه‌ممه‌ ١٢ی مانگی خه‌رمانان، پولیسی مه‌جارستان پوناخوازگه‌لێك كه‌ به‌ قه‌تار بۆ شاری سنووری “شۆپرۆن” ده‌چوون، له‌ شاری “بیچكه‌” به‌ ناچار پیاده‌ كران.عه‌مه‌لیاتی پۆلیس له‌گه‌ڵ خۆڕاگریه‌كی به‌رین له‌ لایه‌ن په‌ناخوازانه‌وه‌ به‌ره‌وڕوو بووه‌وه‌. سه‌ره‌ڕای هه‌وڵی زۆری پۆلیس، په‌ناخوازان توانیان سه‌رله‌نوێ سواری واگۆنه‌كانی قه‌تار ببنه‌وه‌. به‌ پێی دوایین هه‌واڵه‌كان، قه‌تاره‌كه‌ هه‌ڵگری سه‌دان په‌ناخواز بووه‌ كه‌ سه‌ره‌نجام دوانیوه‌ڕۆی رۆژی پێنجشه‌ممه‌ له‌ ئیستگای ناوه‌ندی بوداپێست رێكه‌وت، به‌ بێچه‌وانه‌ی بۆچوونی سه‌رنشینه‌كانی به‌ جێگه‌ی ئه‌وه‌یكه‌ به‌ره‌و ویه‌ن بچێت له‌ شارێكی نزیك یه‌كێك له‌ چوارڕێیانی ئوردوگای مه‌جارستان وه‌ستا. به‌ پێی ئه‌م راپۆرته‌، به‌رپرسانی مه‌جارستان به‌نیازن په‌ناخوازان بۆ ئه‌م ئوردوگایانه‌ بگوازنه‌وه‌. په‌ناخوازان به‌ وتنه‌وه‌ی دروشمی “ئاڵمان، ئاڵمان”، له‌ قه‌تاره‌كه‌ دانه‌به‌زین و له‌ نێوان ئه‌وان و پۆلیس، تێكهه‌ڵچوون هاته‌ ئاراوه‌.