خۆسووتاندنی ژنێك له‌ ناوچه‌ی سنه‌

454
به‌ پێی هه‌واڵی گه‌یشتوو، ماوه‌یه‌ك له‌مه‌وبه‌ر كچێكی لاو به‌ ناوی “شه‌وجوان جه‌لیلی” هه‌وڵی خۆكوژی دا و دوای ١٠ رۆژ له‌ نه‌خۆشخانه‌ی گیانی له‌ده‌ستدا. “شه‌وجوان جه‌لیلی” ته‌مه‌ن ١٩ ساڵ خه‌ڵكی ئاوایی “سپی بن”ی سه‌ربه‌ ناوچه‌ی ژاوه‌رۆی سنه‌ ماوه‌ی ١٠ رۆژ له‌مه‌وبه‌ر به‌ هۆی كێشه‌ و گرفتی بنه‌ماڵه‌یی ئاگری له‌ جه‌سته‌ی خۆی به‌ردا و ره‌وانه‌ی نه‌ۆشخانه‌ی شاری سنه‌ كرا، به‌ڵام به‌ هۆی سه‌ختی برینه‌كانیه‌وه‌ رۆژی دووشه‌ممه‌ ٢٣ی مانگی خه‌رمانان گیانی له‌ده‌ستدا. شایانی باسه‌ به‌ هۆی كێشه‌ و گرفته‌كانی ژیان به‌ تایبه‌ت بێكاری و هه‌ژاری، ساڵانه‌ ژماره‌یه‌كی به‌رچاو له‌ هاوڵاتیان به‌ تایبه‌ت لاوان له‌ ناوچه‌ جیاجیاكانی ئێران، ده‌ست بۆ كرده‌وه‌ی ناڕه‌وای خۆكوژی ده‌به‌ن.