خۆكوژی په‌ناخوازێكی سیاسی خه‌ڵكی مه‌ریوان له‌ وڵاتی ئاڵمان

502
پەناخوازێكی سیاسی خه‌ڵكی شاری مه‌ریوان لە وڵاتی ئاڵمان دەستی دایە خۆكوژی و كۆتایی بە ژیانی هێنا.
شەوی پێنجشەممە ١٦ی مانگی رەزبەر “سیرووس رەسوولی” ناسراو بە (هێمن) كە ماوەیه‌ك لە نێو ریزەكانی هێزی پێشمه‌رگه‌ی ‌كۆمەڵەدا بوو، نزیكەی دوو ساڵە لە وڵاتی ئاڵمان نیشتەجێ بوو. ده‌وترێت هێمن لەم دواییانەدا بە هۆی پێنه‌دانی مافی پەنابەریه‌تی لە لایەن دەوڵەتی ئاڵمان”، تووشی نه‌خۆشی خه‌مۆكی بوو و لە ئاكامدا شەوی پێنجشه‌ممه‌ دەستی دایە كرده‌وه‌ی خۆكوژی و گیانی له‌ده‌ستدا. شایانی باسە، ساڵانە بە هەزاران هاوڵاتی ئێرانی بە هۆی نالەبار بوونی بارودۆخی ژیان و گوشارە ئەمنیەتی و كۆمەڵایەتییەكانی رژیمی كۆماری ئیسلامی به‌ ناچاری ئه‌و وڵاته‌ به‌جێدێڵن و روو له‌ ده‌ره‌وه‌ی وڵات ده‌كه‌ن.