خۆكوژی ژنێكی دیكه‌ له‌ سه‌روبه‌ندی ٢٥ی نوامبر له‌ شاری مه‌ریوان

845

جارێكی تر له‌ سه‌روبه‌ندی ٢٥ی نوامبر رۆژی به‌ره‌نگار بوونه‌وه‌ی توندوتیژی دژبه‌ ژنان، ژنێكی لاوی ته‌مه‌ن ٢٠ ساڵ له‌ شاری مه‌ریوان ئاگری له‌ جه‌سته‌ی خۆی به‌ردا.
رۆژی یه‌كشه‌ممه‌ ئه‌وه‌ڵی مانگی سه‌رماوه‌ز ژنێكی لاوی ته‌مه‌ن ٢٠ ساڵ به‌ ناوی “كوێستان ئه‌رژه‌نگی” خه‌ڵكی ئاوایی نێ شاری مه‌ریوان كه‌ منداڵێكی بچووكی هه‌یه‌ و بارداریش بوو، به‌ هۆی كێشه‌ و گرفتی بنه‌ماڵه‌یی ئاگری له‌ جه‌سته‌ی خۆی به‌ردا. ناوبراو به‌ هۆی كاری بوونی برینه‌كه‌ی ره‌وانه‌ی نه‌خۆشخانه‌ی ته‌وحیدی شاری سنه‌ كرا، به‌ڵام رۆژی یه‌كشه‌ممه‌ ٢ی مانگی سه‌رماوه‌ز گیانی له‌ده‌ستدا. شایانی باسه‌ کێشه‌ی کۆمه‌ڵایه‌تی، یه‌كێك له‌ هۆکاره‌ به‌رچاوه‌كانی زۆربه‌ی خۆکوژیەکانه و له ماوه‌ی چه‌ند ساڵی رابردوودا ئەم دیاردە به شێوه‌یه‌كی به‌رچاو په‌ره‌یسه‌ندووه. قه‌تڵی ناموسی، سوتاندن، خه‌ته‌نه‌کردن، به‌زۆر به‌شودان، شیربایی و کۆمه‌ڵێک فۆرمی تر له‌ توندوتیژی بۆته‌ به‌شیکی دانه‌بڕاو له‌ ژیانی رۆژانه‌ی هه‌زاران ژن له‌ كۆمه‌ڵگا.