خۆپیشاندانی به‌رینی دژه‌ ده‌وڵه‌تی له‌ لۆبنان

317
رۆژی شه‌ممه‌ ٧ی مانگی خه‌رمانان، ده‌یان هه‌زار كه‌س له‌ خه‌ڵكی لوبنان له‌دژی ده‌وڵه‌ت و گه‌نده‌ڵی كاربه‌ده‌ستانی ئه‌م وڵاته‌، جارێكی تر له “به‌یروت”ی پێته‌ختی ئه‌م وڵاته‌ رژانه‌ سه‌ر شه‌قامه‌كان و خۆپیشاندانی به‌رینیان وه‌ڕێخست. راپۆرته‌كان باس له‌وه‌ ده‌كه‌ن كه‌ دوابه‌دوای سه‌ركوتی خۆپیشاندانه‌كانی هه‌فته‌ی رابردوو، مه‌زایای خۆپیشانده‌ران زیادی كردووه‌. میدیاكان، ئه‌م خۆپیشاندانه‌یان ‌به‌ گه‌وره‌ترین خۆپیشاندان له‌ مێژووی لوبنان ناولێبرد. خۆپیشانده‌ران بۆ جێبه‌جێ كردنی داواكاریه‌كانیان، دوایین مۆڵه‌تیان ٧٢ سه‌عات دیاریكردووه‌ و رایانگه‌یاندووه‌ ئه‌گه‌ر داخوازییه‌كانیان جێبه‌جێ نه‌كرێت خۆپیشاندانه‌كه‌یان په‌ره‌پێده‌ده‌ن بۆ ناوچه‌كانی دیكه‌ی لۆبنانی ده‌گوازنه‌وه‌. ناڕازییان هه‌روه‌ها به‌ وتنه‌وه‌ی دروشمی وه‌ك” حكومه‌تی گه‌نده‌ڵ ده‌بێ بروخێت”، خوازیاری له‌نێوچوونی رژیمی ده‌سه‌ڵاتدار بوون.