خۆپیشاندانی خه‌ڵكی توركیه‌ له‌دژی نوقمبوونی منداڵانی سوریه‌

342
رۆژی پێنجشه‌ممه‌ ١٢ی مانگی خه‌رمانان، ژماره‌یه‌ك له‌ خه‌ڵكی ستانبۆل له كاتێكدا كه‌ پلاكارد و وێنه‌ی “ئایلان كوردی”یان به‌ده‌سته‌وه‌ بوو، له‌ مه‌یدانی ته‌قسیم خۆپیشاندانی ناڕه‌زایه‌تیان وه‌ڕێخست.رۆژی چوارشه‌ممه‌ ١١ی مانگی خه‌رمانان، منداڵیکی کوردی تەمەن سێ ساڵە لە کەنار دەریای بۆدروم لە تورکیه‌ بە خنکاوی دۆزرایەوە و وێنەکانی منداڵەکەش کاردانەوەی جیهانی لێکەوتەوە و بۆته‌ دروشمی بارودۆخی دڵته‌زێنی په‌ناخوازان له‌ سه‌رتاسه‌ری جیهان. عەبدوڵا كوردی باوكی ئایلان ئەو منداڵە سێ‌ ساڵەییەی كە لە دەریای ئیجە خنكا‌ و بڵاوكردنەوەی وێنەكانی دونیای هەژاند، باس لەو روداوە دڵتەزێنە دەكات و ده‌ڵێت: “پاش ماوەیەكی كەم دوای بەرێكەوتنی بەلەمەكەیان كە بنه‌ماڵه‌كه‌م ‌و ژمارەیەك پەنابەری دیكەی لەسەربو‌و و بڕیاربوو بەرەو دورگەی كوسی یونان بڕوات، شەپۆلێكی زۆری دەریا ئاراستەی بەلەمەكەی گۆڕی كه‌ به‌ هۆیه‌وه ئه‌و كاره‌ساته‌ی خولقاند و‌ هاوسه‌ره‌كه‌م و دوو منداڵه‌كه‌م گیانیان له‌ده‌ستدا. شایانی باسه‌ باوكی ئایلان داوای له‌ پۆلیسی توركیه‌ كردووه‌ كه‌ ته‌رمی هاوسه‌ره‌كه‌ی و دوو منداڵه‌كه‌ی بۆ شاری كۆبانی به‌ڕێ بكرێنه‌وه‌.