خۆپیشاندانی دژه ‌ده‌وڵه‌تی له‌ ئێسرائیل

79
رۆژی یه‌كشه‌ممه‌ ١٤ی مانگی پوشپه‌ڕ، سه‌دان كه‌س له‌ خه‌ڵكی ئێسرائیل، له‌ ناڕه‌زایه‌تی به‌ سیاسته‌كانی ده‌وڵه‌تی “نێتانیاهوو”، سه‌رۆك وه‌زیری ئه‌م وڵاته‌ له‌ شاری “تێلاڤیڤ”، خۆپیشاندانیان وه‌ڕێخست.
خۆپیشانده‌ران به‌ به‌رز كردنه‌وه‌ی دورشم له‌دژی ده‌وڵه‌تی ئێسرائیل، ناڕه‌زایه‌تی خۆیان سه‌باره‌ت به‌ سیاسه‌ته‌كانی ده‌وڵه‌تی نێتانیاهوو راگه‌یاند. ناڕازییان رۆژی شه‌ممه‌ ١٣ی مانگی پوشپه‌ڕیش له‌ دژایه‌تی له‌گه‌ڵ سیاسه‌ته‌كانی نێتانیاهوو، خۆپیشاندانیان وه‌ڕێخست. ئه‌مه‌ له‌ حاڵێكدایه‌ كه‌ خۆپیشاندانی هه‌فته‌ی له‌وه‌پێش به‌ هێرشی هێزه‌كانی پۆلیس، توندوتیژی لێكه‌وته‌وه‌. جێگای ئاماژه‌یه‌، ناڕه‌زایه‌تیه‌كان سه‌باره‌ت به‌ سه‌رۆك وه‌زیری ئێسرائیل له‌ حاڵێكدا زیاتر بۆته‌وه‌ كه‌ رێژه‌ی هه‌ژاریش به‌ شێوه‌یه‌كی به‌رچاو په‌ره‌یسه‌ندووه‌. به‌ پێی راپۆرته‌كان له‌ هه‌ر سێ منداڵی ئێسرائیلی، منداڵێك له‌ هه‌ژراییدا ژیان به‌سه‌ر ده‌بات.