خۆپیشاندان له‌دژی چاكسازی نیزامی ئاموزشی له‌ ئیتالیا

481t
به‌ پێی راپۆرتی “یۆرۆنیوز”، هه‌زاران كه‌س له‌ خوێندكارانی ئیتالیایی له‌ ناڕه‌زایه‌تی به‌ گه‌ڵاڵه‌ی ده‌وڵه‌ت بۆ چاكسازی نیزامی ئاموزشی، هاتنه‌ سه‌ر شه‌قامه‌كان و خۆپیشاندانیان وه‌رێخست.
ئه‌م گه‌ڵاڵه‌یه‌ كه‌ به‌ ناوی “مه‌دره‌سه‌ی باش” ناسراوه‌، رۆژی پێنجشه‌ممه‌ ٢١ی مانگی ره‌شه‌ممه‌، درایه‌ پارلمانی ئیتالیا. دوابه‌دوای پێشنیاری ئه‌م گه‌ڵاڵه‌یه‌، خوێندكاران نیگه‌رانی خسوسی سازی ناراسته‌وخۆی مه‌دره‌سه‌كانن و رایانگه‌یاندووه‌ كه‌ بیر و رای ئه‌وان له‌به‌رچاو نه‌گیراوه‌. خوێندكارانی ناڕازی، خوازیاری سه‌رمایه‌گوزاری له‌سه‌ر مافی فێربوون و په‌یوه‌ندییه‌ك له‌ نێوان مه‌دره‌سه‌ و كارن كه‌ ته‌نیا له‌ ژێر سه‌یته‌ره‌ و نفوزی بازاڕدا نه‌بێت.