خۆپیشاندن له‌ برێزیل له‌ دژی لابرانی دیلما ڕۆسێف

4
سه‌رله‌ ئێواره‌ی چوارشه‌ممه‌ هه‌زاران كه‌س له‌ برێزیل له‌ ناڕه‌زایه‌تیی به‌ لابرانی “دیلما ڕۆسێف” له‌ پۆستی سه‌رۆك كۆماریی، له‌ شه‌قامه‌كانی “سائۆپائۆلۆ” ده‌ستیان دایه‌‌ خۆپیشاندان.
لایه‌نگرانی دیلما ڕۆسێف هه‌وڵه‌كانی سێناتۆره‌كانی برێزیل بۆ لابردنی سه‌رۆك كۆماری ئه‌م وڵاته‌ به‌ پێچه‌وانه‌ی یاسای بنه‌ڕه‌تی ئه‌زانن و خوازیاری رێفراندۆم بوون. ئه‌مه‌ سێهه‌مین رۆژه‌ كه‌ لایه‌نگرانی دیلما ڕۆسێف له‌ شه‌قامه‌كانی سائۆپائۆلۆ كۆده‌بنه‌وه‌‌ و خوازیاری گه‌ڕانه‌وه‌ی نابراو بۆ ده‌سه‌ڵات ده‌بن. مه‌جلیسی سێنا ناوبراوی به‌وه‌ تۆمه‌تبار كردبووه‌ كه‌ به‌ فێڵ و ته‌ڵه‌كه‌ی حیسابداریی له‌ بودجه‌ی ده‌وڵه‌ت به‌ مه‌به‌ستی دووباره‌ هه‌ڵبژاردنه‌وه‌ی كه‌ڵكی وه‌رگتووه‌. ناوبراو به‌وه‌ش تۆمه‌تبار كراوه‌ كه‌ بۆ په‌رده‌پۆش كردنی بارودۆخی ناخۆشی بودجه‌ی وڵات، درانی پووڵ به‌ بانكه‌ ده‌وڵه‌تییه‌كانی دواخستووه‌. ڕۆسێف له‌ لێكدوانێكیدا له‌ مه‌جلێسی سێنا، ئیستیزاحی خۆی به‌ كۆده‌تایه‌ك له‌دژی یاسای بنه‌ڕه‌تیی ئه‌م وڵاته‌ داوه‌ته‌ قه‌ڵه‌م.