دان پێدانان به‌ قه‌یرانی كۆمه‌ڵایه‌تیی له‌ تاران

179w
ره‌ئیسی كومیته‌ی مۆحیت زیستی شوڕای شاری تاران دانی به‌وه‌دانا كه‌ باردوودۆخی تاران له‌ قۆناغی خه‌ساری كۆمه‌ڵایه‌تیی تێپه‌ڕبووه‌ و گه‌یشتووه‌ته‌ قۆناغی هۆشدار، ئاگاداركردنه‌وه‌ و قه‌یرانی كۆمه‌ڵایه‌تیی.
ئه‌م كارگێڕه‌ی رژیم وێڕای ئاماژه‌ به‌ زۆر بوونی سواڵكه‌ر، كارتۆن خه‌و و تووشبووان به‌ مادده‌ سڕكه‌ره‌كان، ده‌شڵێت، مودیرییه‌تی شه‌هریی له‌ به‌رامبه‌ر ئاڵۆزییه‌كانی شاری تاران كه‌ گه‌یشتووه‌ته‌ ئاستی قه‌یران، ناتوانێت خه‌مسارد بێت و ناچاره‌ له‌م بواره‌دا ده‌ست بداته‌ چه‌ندین هه‌وڵ. “عه‌لی خامه‌نه‌یی” رێبه‌ری كۆماری ئیسلامیی بۆ یه‌كه‌مجار خوازیاری چاره‌سه‌ری بنه‌ڕه‌تیی خه‌ساره‌ كۆمه‌ڵایه‌تییه‌كانی ناوخۆ بوو. موعاونی خه‌ده‌مات و موشاره‌كه‌ته‌ ئیجتماعییه‌كانی شاره‌داریی تارانیش پارساڵ دانی به‌وه‌دانا بوو كه‌ هه‌موو شه‌وێك ٣ هه‌زار كارتۆن خه‌و له‌ ئاستی شاری تاران كۆده‌كرێنه‌وه‌.