درێژه‌ی ته‌قینه‌وه‌ خوێناوییه‌كان له‌ میسر

67y

به‌ پێی راپۆرتی “بی بی سی”، رۆژی یه‌كشه‌ممه‌ ٢٣ی مانگی خاكه‌لێوه‌، له‌ جه‌ریانی چه‌ندین ته‌قینه‌وه‌ی جیاجیا له‌ “نیمچه‌ دوورگه‌ی سینا”ی میسر، لانیكه‌م ١٤ كه‌س كوژران و ٤٧ كه‌سی دیكه‌ش بریندار بوون.
به‌ پێی ئه‌م راپۆرته‌، له ئاكامی ته‌قینه‌وه‌یه‌ك له‌ نزیك ئیستگایه‌كی پۆلیس له‌ “ئه‌لعه‌ریش”ی میسر، ٨ كه‌س كوژران و ٤٥ كه‌سیش بریندار بوون. له‌ هێرشێكی دیكه‌دا بۆسه‌ر نه‌فه‌ربه‌رێكی زرێهی له‌ نزیك شاری “شێخ زه‌وید” له‌ باكوری میسر، لانیكه‌م ٦ سه‌رباز كوژران و ٢ كه‌سی دیكه‌ش بریندار بوون. گروپی “ویلایه‌تی سینا” كه‌ سه‌ربه‌ گروپی داعشه‌، به‌رپرسایه‌تی ئه‌م هێرشانه‌ی وه‌ئه‌ستۆ گرتووه‌.