درێژه‌ی تێكهه‌ڵچوونی نێوان گه‌ریلاكان و سپای توركیه‌

492
ناوەندى راگەیاندنى هەپەگە بڵاویکردەوە، گەریلاکانیان لە چیاى تەندورەکى سەر بە زنجیرە شاخى ئاگرى، هه‌لیکۆپتەرێکى جەنگى لە جۆرى کوبرایان خستووەتە خوارەوە و هەر دوو فڕکەوانەکەشى کوژراون.له‌م پێوه‌نده‌دا ناوەندى راگەیاندنى هەپەگە، رۆژی یه‌كشه‌ممه‌ ٢٩ی خه‌رمانان بڵاویکردەوە، سپاى تورکیه‌ بە پشتیوانیى هه‌لیکۆپتەرە جەنگییەکانه‌وه‌ عه‌مه‌لیاتێكی بۆ سەر چیاى تەندورەک لە زنجیرە كێوی ئاگرى ئەنجامداوە و دەستیان بە پیادەکردنى هێز لە چیاى تەندورەک کردووە. ئاماژە بەوەشکراوە، بەهۆى ئەو عه‌مه‌لیاته‌ی سپای توركیه‌ پێکدادان روویداوە و لە ئەنجامدا گەریلاکان بە مووشەک هێرشیان کردووەتە سەر کۆپتەرەکان و کۆپتەرێکى جەنگیى جۆرى کوبرا پێکراوە و لە نزیک شارۆچکەى ئارنەست کەوتووەتە خوارەوە و هەر دوو فڕۆکەوانه‌كه‌شی کوژراون. شایانی باسه‌ له‌ رێكه‌وتی ٢٤ى جولایه‌وه‌ چەندین پێکدادان لە نیوان هێزەکانى گەریلا و سپاى تورکیه‌ لە ناوچە، شارۆچکە و شارەکانى باکوورى کوردستان روویداوە.