درێژه‌ی كوشتاری خه‌ڵكی مه‌ده‌نی له‌ سورییه‌

86
گروپی چاودێڕی مافی مرۆڤی سورییه‌ رایگه‌یاند: ” هێرشی راكتی شورشیان بۆسه‌ر شاری “حه‌ڵه‌ب”ی سورییه‌، ده‌یان كوژراو و برینداری لێكه‌وته‌وه‌.”به‌ پێی ئه‌م راپۆرته‌، له‌ جه‌ریانی ئه‌م هێرشه‌دا، لانیكه‌م ٣٤ كه‌سی مه‌ده‌نی له‌وانه‌ ١٢ منداڵ كوژران و ١٩٠ كه‌سی دیكه‌ش بریندار بوون. شایانی باسه‌، رۆژی سێشه‌ممه‌ ٢٦ی مانگی جۆزه‌ردان، “چاودێڕی مافی مرۆڤی سوریه‌” پێداگری كرد كه‌ “یه‌كێنه‌كانی پاراستنی گه‌ل” شاری “ته‌ل ئه‌بیز”یان، خستۆته‌ ژێر كونتڕۆڵی خۆیانه‌وه‌. ئه‌م شاره‌ ستراتژیكه‌ له‌ لایه‌ن گروپی ئیسلامگه‌رای “داعش”وه‌، داگیر كرابوو. شاری “ته‌ل ئه‌بیز” له‌ سنووری هاوبه‌شی “سورییه‌ و توركیه‌”دایه‌ و داعش وه‌كوو ناوه‌ندی ده‌سه‌ڵاتداریه‌تی خۆی، له‌ نێوان توركیه‌ و ره‌قه‌، كه‌ڵكی لێوه‌رده‌گرت.