درێژه‌ی كۆبوونه‌وه‌ی ناڕه‌زایه‌تی خه‌ڵكی ئه‌هواز

359t

رۆژی شه‌ممه‌ ٢٥ی مانگی رێبه‌ندان، خه‌ڵكی خوزستان جارێكی دیكه‌ له‌ ناڕه‌زایه‌تی به‌ كه‌مته‌رخه‌می ژماره‌یه‌ك له‌ به‌رپرسانی پێوه‌ندیدار به‌ دیارده‌ی خۆڵبارین، له‌ به‌رده‌م ئۆستانداری رژیم له‌ ئۆستانی خوزستان كۆبوونه‌وه‌.
خۆپیشانده‌ران به‌ هه‌ڵگرتنی نووسراوه‌گه‌لێك له‌ ژێرناوی “مافی ره‌وای خۆیانه‌ كه‌ له‌ كه‌ش و هه‌وای پاك به‌هره‌مه‌ند بن”، خوازیاری كرده‌وه‌ی خێرای به‌رپرسان بۆ به‌ره‌نگاربوونه‌وه‌ له‌گه‌ڵ ئه‌م دیارده‌یه‌ بوون. شایانی باسه‌ ئه‌مه‌ بۆ چه‌نده‌مین جاری به‌رده‌وامه‌‌ كه‌ له‌ ماوه‌ی چه‌ند رۆژی رابردوودا خه‌ڵكی ئه‌هواز له‌ ناڕه‌زایه‌تی به‌ بارودۆخی خراپی كه‌ش و هه‌وای ئه‌م شاره‌ له‌ به‌رده‌م ئۆستانداری دا كۆده‌بنه‌وه‌. ئه‌م گرفته‌، داخرانی مه‌دره‌سه‌، دانیشگا و ئیداره‌ی شاره‌كانی ئه‌م ئۆستانه‌ له‌ ماوه‌ی ئه‌م هه‌فته‌یه‌ و هه‌فته‌ی رابردووی لێكه‌وتۆته‌وه‌.