درێژه‌ی ناڕه‌زایه‌تی كرێكاران له‌ پاڵاوگه‌ی عه‌سه‌لویه‌

695q
له‌ درێژه‌ی ناڕه‌زایه‌تی كرێكارانی پاڵاوگه‌كانی عه‌سه‌لویه‌ له‌ماوه‌ی ئه‌م مانگانه‌دا، كرێكارانی فازه‌كانی ١٩، ٢٢ و ٢٤ جارێكی دیكه‌ ده‌ستیاندایه‌ ناڕه‌زایه‌تی و مانگرتن.
رۆژی چوارشه‌ممه‌ ١٦ی مانگی به‌فرانبار زیاتر له‌ سه‌د كرێكاری په‌یمانی شیركه‌تی “پیترۆسینا ئاریا” له‌ ناڕه‌زایه‌تی به‌ په‌رداخت نه‌كرانی چەندین مانگ حەقدەستی نەدراویان، درگای وروودی ئه‌م كارخانه‌یه‌یان داخست و پێشیان بە هاتووچۆ گرت. هاوكات كرێكارانی شیركه‌تی “بلند ته‌به‌قه‌” له‌ فازی ١٩ی عه‌سه‌لویه‌ش به‌ وه‌ڕێخستنی كۆبوونه‌وه‌ی ناڕه‌زایه‌تی خوازیاری جێبه‌جێكرانی هه‌قده‌سته‌كانیان بوون. شایانی باسه‌ كرێكارانی فازه‌كانی ٢٢ و ٢٤ له‌ كوتایی هه‌فته‌ی رابردووه‌وه‌ تائێستا، ناڕه‌زاییه‌تیه‌كانیان به‌ شێوازی جۆراوجۆر نیشان داوه‌.