درێژه‌ی ناڕه‌زایه‌تی په‌ره‌ستارانی نه‌خۆشخانه‌كانی ته‌ورێز

67
به‌ پێی راپۆرتی هه‌واڵنێری حكومه‌تی “فارس”، له‌ درێژه‌ی ناڕه‌زایه‌تی په‌ره‌ستارانی نه‌خۆشخانه‌كانی “كوده‌كان، ئه‌لزه‌هرا و مه‌ده‌نی” له‌ ته‌ورێز، په‌ره‌ستارانی نه‌خۆشخانه‌كانی “رێزا و رازی”ی ئه‌م شاره‌یش به‌ ناڕه‌زایه‌تیه‌كه‌یانه‌وه‌ په‌یوه‌ست بوون.په‌ره‌ستاران سه‌باره‌ت به‌ ئیجرای ناعادڵانه‌ی گه‌ڵاڵه‌ی “موبته‌نی به‌ر عه‌مه‌لكه‌رد” و هه‌روه‌ها به‌كرده‌وه‌ ده‌رنه‌هاتنی یاسای ته‌عره‌فه‌گوزاری خه‌ده‌ماتی په‌ره‌ستاری پاش تێپه‌ڕبوونی ٨ ساڵ، ناڕازیین. له‌ ماوه‌ی رۆژانی رابردوودا به‌ په‌رداخت كردنی یه‌كه‌مین حقوقی په‌ره‌ستاران به‌ پێی گه‌ڵاڵه‌ی په‌رداخت له‌سه‌ر بنه‌مای عه‌مه‌لكه‌رد، ناعه‌داڵه‌تییه‌كی زۆرتر به‌سه‌ر سیستمی په‌رداختی په‌ره‌ستاران داسه‌پێندرا. به‌م پێیه‌ په‌ره‌ستارێك كه‌ له‌ به‌شی پڕ داهاتدا كار ده‌كات، حه‌قده‌ستی میلیۆنی و په‌ره‌ستارێك كه‌ شه‌وانه‌رۆژ له‌ به‌شی كه‌م ده‌رامه‌د دا كار ده‌كات، حقوقێكی زۆر كه‌می پێده‌درێت و یان ئه‌سڵه‌ن حه‌قده‌ستێكی پێنادرێت. ئه‌م بابه‌ته‌ به‌ تووندی ناڕه‌زایه‌تی و توڕه‌یی په‌ره‌ستارانی، لێكه‌وتۆته‌وه‌.