درێژه‌ی هێرشی پۆلیسی توركیه‌ بۆسه‌ر ناوچه‌ كوردنشینه‌كان

927
رۆژی سێشه‌ممه‌ ١٧ی سه‌رماوه‌ز، له‌ جه‌ریانی درێژه‌ی هێرشی چه‌كدارانه‌ی هێزه‌كانی تایبه‌تی پۆلیسی توركیه‌ بۆسه‌ر شارستانی “نه‌سیبین”ی كوردستانی ئه‌و وڵاته‌، سێ كه‌سی دیكه‌ گیانیان له‌ده‌ستدا.
به‌ پێی راپۆرته‌كان، پۆلیس و هێزه‌ تایبه‌ته‌كانی توركیه‌ دوای راگه‌یاندنی حكومه‌ت نیزامی له‌ شارستانی نه‌سیبین و قه‌ده‌غه‌ كردنی هاتووچۆی خه‌ڵك، هێرشیان كرده‌ سه‌ر خه‌ڵكی ئه‌و شاره‌. له‌ ئاكامی هێرشی و ده‌ستڕێژی گولله‌ی هێزه‌كانی پۆلیسی توركیه‌ له‌ ماوه‌ی دوو رۆژی رابردوودا تا ئێستا لانیكه‌م شه‌ش كه‌سی مه‌ده‌نی گیانیان له‌ده‌ستداوه‌. له‌ لایه‌كی دیكه‌وه‌ پشتیوانی جه‌ماوه‌ریی له‌ ئۆستانی دیاربه‌كر له‌ خۆڕاگری و خه‌باتی خه‌ڵكی كوردستانی توركیه‌ له‌ چه‌ند رۆژ له‌وه‌پێشه‌وه‌ ده‌ستیپێكردووه‌ و هه‌روا به‌رده‌وامه‌.