درێژه‌ی گوشار له‌دژی گۆرانی بێژانی ژن له‌ ئێران

14y
له‌ درێژه‌ی گوشار له‌دژی گۆرانی بێژانی ژن له‌ ئێران، ئێمام جومعه‌ی رژیم له‌ تاران له‌ قسه‌وباسێكدا ته‌ك خانی ژنانی له‌ ئێرانی مه‌حكوم كرد و ئه‌مانه‌ی به‌ پێچه‌وانه‌ی شه‌رعی ئیسلامی ناولێبرد.ناوبراو له‌ وته‌كانی خۆی هه‌روه‌ها هۆنه‌ر و موسیقی و گۆرانیبێژی ژنانی به‌ حه‌رام ناولێبرد. له‌ ماوه‌ی چه‌ند مانگی رابردوودا، رژیم به‌ ته‌ك خانی ژنان به‌ تووندی ناڕه‌زایه‌تی ده‌ربڕی و له‌ سووكایه‌تی پێكردنی رووندا ئه‌وانی به‌ “لۆتی” ناولێبردووه‌. له‌م پێوه‌نده‌دا ماوه‌یه‌ك له‌وه‌پێش خانه‌ی موسیقی ئێران هه‌واڵی قه‌ده‌غه كردنی حزوری ژنانی گۆرانیبێژ و ژه‌نیاری له‌ ١٢ ئۆستانی ئێران، راگه‌یاندبوو. شایانی باسه‌ رژیمی دژبه‌ژنی رژیمی كۆماری ئیسلامی، هاوكات له‌گه‌ڵ چڕتر بوونه‌وه‌ی گوشاره‌كان و یاسای سه‌ركوتگه‌رانه‌، به‌نیاز بوو‌ تا پێش به‌ حزوری ژنان له‌ بواره‌ جوراۆجوره‌كانی كومه‌ڵگا له‌وانه‌ حه‌وزه‌ی هۆنه‌ر بكات، به‌ڵام تا ئێستا هیچ كام له‌ كرده‌وه‌ و گه‌ڵاڵه‌ی كۆنه‌په‌ره‌ستانه‌ و دژبه‌ ژنی رژیم، نه‌یتوانیوه‌ پێش به‌ گه‌شه‌ و به‌شداری ژنان له‌م بوارانه‌دا بگرێت.