ده‌ركردنی حوكمی زیندان بۆ پێنج سه‌رۆكی شاره‌وانی له‌ باكوری كوردستان

317
دواى چه‌ند رۆژ به‌سه‌ر ده‌ستبه‌سه‌ركردنی پێنج سەرۆک شارەوانى حێزبى ده‌به‌په‌ لەلایەن هێزە ئەمنییەکانى تورکیه‌وه‌، رۆژی یه‌كشه‌ممه‌ ١ی خه‌رمانان، لەلایەن دادگاوە سزاى زیندانی کردنیان بەسەردا سه‌پا. بەپێى راپۆرتی ئاژانسى فورات نیوز، “سەعید نارین و فاتمە شیک باروت” هاوسەرۆکەکانى شارەوانیى شارۆچکەى “سوور و یوکسەل بوداکچى” هاوسەرۆکى شارەوانیى فەرقین لە پارێزگاى ئامەد، رۆژى ٢٨ى گه‌لاوێژ لەلایەن هێزە ئەمنییەکانى تورکیه‌وە ده‌ستبه‌سه‌ر كران. هه‌روه‌ها عەلیڕەزا چیچکلى هاوسەرۆکى دەبەپە لە ناوچەى سوور و “گونەش ئۆڵمەز” هەڵسوڕاوى ئەکادیمیاى ژنانیش سزاى زیندانیکردنیان بەسەردا سەپێنراوە. شایانی باسه‌ دادگا بە تۆمەتى هەوڵدان بۆ تێکدانى یەکیه‌تی و پارچەکردنى خاکى تورکیه‌، سزاى زیندانیکردنى بەسەردا سەپاندوون. جێگای وه‌بیرهێنانه‌وه‌یه‌ كه‌، لە دواى سەرکەوتنى هەدەپە لە هەڵبژاردنى حەوتى حوزەیرانى ئەمساڵ، هێزە ئەمنییەکانى تورکیه‌ هەڵمەتى دەستگیرکردنى سەرۆکی شارەوانییەکان و ئەندامانى هەدەپە و دەبەپەیان دەستپێکردووە و تا ئێستا نزیکەى دوو هەزار کەس لە هەڵسوڕاوان و لاوانی كورد لە باکوورى کوردستان و تورکیه‌ ده‌ستبه‌سه‌ر كراون.