ده‌ركردنی حوكمی زیندان له‌دژی محه‌ممه‌د مۆرسی

110y
رۆژی سێشه‌ممه‌ ١ی مانگی گوڵان، “محه‌ممه‌د مۆرسی” سه‌رۆك كۆماریی پێشووی مێسر به‌ تاوانی كوشتاری ناڕازییانی ساڵی ٢٠١٢، له‌ لایه‌ن دادگای ئه‌م وڵاته‌وه‌ به‌ بیست ساڵ زیندان مه‌حكوم كرا.به‌ پێی راپۆرتی “ئاسوشێتێدپرس”، ئه‌مه‌ یه‌كه‌م حوكم له‌دژی محه‌ممه‌د مۆرسی پاش كودتایه‌كه‌ كه‌ رووخانی ناوبراوی لێكه‌وته‌وه‌. په‌روه‌ندی ناوبراو پێوه‌ندی به‌ توندوتیژیگه‌لێكه‌ كه‌ له‌ دێسامبری ساڵی ٢٠١٢ له‌ كوشكی سه‌رۆك كۆماریی مێسر روویدا. له‌م رووداوه‌دا لایه‌نگرانی محه‌ممه‌د مۆرسی هێرشیان كرده‌سه‌ر كۆبوونه‌وه‌ی نه‌یارانی سه‌رۆك كۆماریی. شایانی باسه‌ ئه‌م تێكهه‌ڵچوونانه،‌ كوژرانی لانیكه‌م ١٠ كه‌سی لێكه‌وته‌وه‌.