به پێی راپۆرته‌كان، پێنج كه‌س له ئەندامانی ده‌وری چوارەمی شورای شاری کامیاران بە تاوانی “گەندەڵی دارایی”، له لایه‌ن ده‌زگای قه‌زایی رژیمه‌وه سه‌رجه‌م به ٥٠ ساڵ زیندان و شه‌لاق مه‌حكوم كران. به پێی ئه‌م راپۆرته، پێنج ئه‌ندامی شورای شاری كامیاران به ناوه‌كانی “خوسرەو ئیبراهیمی، ئەردەشیر موتیعی، بێهزاد نێگەهداری، هیوا مستەفاپوور و بەدیع قوربانی” به تۆمه‌تی گه‌نده‌ڵی دارایی، له لایه‌ن ده‌زگای قه‌زایی رژیم له‌م شاره هه‌ر كامه‌یان به ١٠ ساڵ زیندان و ٨٠ زه‌ربه شه‌لاق مه‌حكوم كراون. شایانی باسه گه‌نده‌ڵی دارایی له نێو دام و ده‌زگا ده‌وڵه‌تییه‌كانی رژیم به شێوه‌یه‌كی به‌رچاو په‌ره‌یسه‌ندووه و ئه‌مه ته‌نیا نمونه‌یه‌كی بچوك له ئاشكرا بوونی گه‌نده‌ڵی و ئێختلاسه.
