ده‌ستبه‌سه‌ر كرانی ٩٠٠ كه‌س له‌ ماوه‌ی دوو ڕۆژدا له‌ شیراز

45
جێگری رێكخراوی هێزی ئینتزامیی ڕژیم له‌ پارێزگای فارس ڕایگه‌یاند، كه‌لانته‌رییه‌كانی شیراز له‌ ئه‌نجامی به‌كرده‌وه‌ ده‌رهاتنی گه‌ڵاڵه‌ی “گه‌شه‌پێدان به‌ ئاسایشی كۆمه‌ڵایه‌تیی” له‌ ماوه‌ی ڕۆژانی ١٣ و ١٤ی مانگی خه‌رمانان، لانیكه‌م ٩٠٠ كه‌سیان ده‌ستبه‌سه‌ر كردووه‌.
ئه‌م كارگێڕه‌ی هێزی ئینتزامیی هه‌روه‌ها باس له‌ ده‌ستبه‌سه‌ر كرانی ٢٧٧ كه‌سی بیانیی له‌م عه‌مه‌لییاته ده‌كات و ده‌ڵێت، ٣٢٠ كه‌سی بیانیی به‌ شێوه‌ی نایاساییش خۆیان ناساندووه‌ و ده‌ستبه‌سه‌ر كراون. هێزی ئینتزامیی كۆماری ئیسلامیی ماوه‌ی چه‌ند ساڵێك ده‌بێ كه‌ چه‌ندین گه‌ڵاڵه‌ی هاوشێوه‌ی “گه‌شه‌پێدانی دژ به‌ ئاسایشی كۆمه‌ڵایه‌تیی” له‌ شاره‌ جۆراوجۆره‌كان به‌ كرده‌وه‌ ده‌ردێنێت و جار ناجارێك كۆمه‌ڵێكی زۆر به‌ بیانووی “ئێعتییاد، ناهه‌نجاریی و ره‌چاونه‌كرانی حیجاب” ده‌ستبه‌سه‌ر ده‌كات. ئه‌و گه‌ڵاڵانه‌ی كه‌ به‌ وته‌ی كاربه‌ده‌ستانی ڕژیم، هیچ كاریگه‌رییه‌كی له‌ كه‌مكردنه‌وه‌ی زیانه‌ كۆمه‌ڵایه‌تییه‌كان و ڕێژه‌ی تاوانه‌كان له‌ كۆمه‌ڵگه‌ی ئێران نه‌بووه‌.