ده‌ستبه‌سه‌ر كردنی شەش كەس لە شارەكانی كامیاران و شنۆ

562
دوو هاوڵاتی خەڵكی ئاوایی “بزوەش”ی كامیاران و چوار هاوڵاتی خەڵكی شاری شنۆ لە لایەن هێزە ئەمنیەتی و ئیتلاعاتییه‌كانه‌وه‌ دەستبەسەر كران.
به‌ پێی ئه‌م راپۆرته‌، دوو هاوڵاتی خه‌ڵكی شاری كامیاران به‌ ناوه‌كانی “محه‌ممه‌د ره‌شید قوربانی و حوسێن قوربانی” به‌ تۆمه‌تی هاوكاری له‌گه‌ڵ حێزبێكی نه‌یاری رژیم ده‌ستبه‌سه‌ر كران. هه‌روه‌ها هه‌ر له‌ ماوه‌ی رۆژانی رابردوودا چوار هاوڵاتی خەڵكی ناوچەی شنۆ لە لایه‌ن ئیدارەی ئیتلاعاتی ئه‌و شارەوه‌ دەستبەسەر كران. ئەو چوار كەسە بە ناوەكانی “مەسعوود ئالانی، ئەمیر ئەحمەدی، مووسا ئیسماعیلی ‌و سەلیم وەیسی” لە گەڕەكی سەیداوا دەستبەسەر كراون‌ و تا ئێستا هۆكاری دەستبەسەر كرانیان روون نەكراوەتەوە