دێکیۆمێنت سازانی سینه‌مای ئێران داوای ئازادی كه‌یوان كه‌ریمی ده‌كه‌ن

436q
ژمارەیەک لە دێکیۆمێنت سازانی سینەمای ئێران لە بەیانییەیەکدا پشتیوانی خۆیان له‌ کەیوان کەریمی فیلمسازی خه‌ڵكی شاری بانه‌ ده‌ربڕی.
به‌ پێی راپۆرته‌كان، ١٣٧ کەس لە دێکیۆمێنت‌سازانی سینەمای ئێران به‌ ده‌ركردنی بەیانییەیەک، مه‌حكوم كردنی كه‌یوان كه‌ریمی به‌ زیندان و شه‌لاقیان مه‌حكوم كردووه‌ و خوازیاری ئازادی ده‌ستبه‌جێ و بێ شه‌رت و مه‌رج ناوبراو له‌ زیندان بوون. شایانی باسه‌ كه‌یوان كه‌ریمی فیلمسازی خه‌ڵكی شاری بانه‌ به‌ تۆمه‌تی دروست‌کردنی فیلمی “نوشتن بر شهر”، له‌لایه‌ن ناوه‌نده‌ قه‌زاییه‌كانی رژیمه‌وه‌ به‌ ٦ ساڵ زیندانی ته‌عزیری و ٢٢٣ زەربە شەلاق مه‌حكوم كراوه‌.