راگه‌یاندنی ئه‌نجوومه‌نی ژنانی مه‌ریوان له‌سه‌ر ده‌ستدرێژی بۆسه‌ر فه‌ریناز خوسره‌وانی

218y
به‌ پێی راپۆرته‌كان، ئەنجومەنی ژنانی مەریوان به‌ ده‌ركردنی راگه‌یاندێك هاوخەمی خۆی سه‌باره‌ت به‌ مه‌رگی “فه‌ریناز خوسره‌وانی” ده‌ربڕی و به‌رێوه‌به‌رانی ئه‌م جه‌نایه‌ته‌یان، مه‌حكوم كرد.له‌م راگه‌یاندنه‌دا هاتووە، توندوتیژی له‌دژی ژنان کە سەرچاوەگرتوو لە کۆمەڵگەی پیاوسالارییە، مێژووییەکی دوور و درێژی هەبووە و هەتا ئێستاش ژنان لە سەرەتاییترین مافەکانیان کە ژیانێکی ئاساییە بێبەش كراون. ئەنجومەنی ژنانی مەریوان هه‌روه‌ها رایانگه‌یاندووه‌: لە ماوەی یەکساڵی رابردوودا، چەندین حاڵەتی مەرگی گوماناوی کەسانیکی وەکوو سەحەر چوێنی، شەیدا حاتەمی، ئێعدامی رەیحانە جەباری و چەندین حاڵەتی دیکەی ئه‌سید پاشی لە ئیسفەهان روویداوە و ئەمڕۆکەش شایەتی مه‌رگی “فەریناز خوسرەوانین”.