راگه‌یاندنی كومیته‌ی دیفاع له‌ هه‌ڵسووڕاوانی كرێكاری مهاباد

136y (1)
“كومیته‌ی دیفاع له‌ هه‌ڵسووڕاوانی كرێكارای مهاباد”، بۆ مه‌حكوم كردنی ده‌ستبه‌سه‌ر كرانی هه‌ڵسووڕاوی كرێكاری “حامێد مه‌حموود نژاد” راگه‌یاندنێكی بڵاو كرده‌وه‌. له‌ به‌شێك له‌م راگه‌یاندنه‌دا هاتووه‌: “له‌ د‌رێژه‌ی هه‌ڕه‌شه‌، بانگ كران و ده‌ستبه‌سه‌ر كردنی كرێكاران و هه‌ڵسووڕاوانی كرێكارای له‌ شاری سنه‌، رۆژی شه‌ممه‌ ٢٩ی مانگی خاكه‌لێوه‌ی ئه‌مساڵ، حامێد مه‌حموود نژاد هه‌ڵسووڕاوی كرێكاری و ئه‌ندامی كومیته‌ی هه‌ماهه‌نگی بۆ یارمه‌تیدان به‌ پێكهێنانی رێكخراوه‌ كرێكارییه‌كان، له‌ لایه‌ن مه‌ئموورانی ئه‌منیه‌تی رژیمه‌وه‌ ده‌ستبه‌سه‌ر و بۆ شوێنێكی نادیار گواسترایه‌وه. ئه‌م كومیته‌یه‌، وێڕای محكوم كردنی ده‌ستبه‌سه‌ر كردنی ناوبراو، خوازیاری ئازادی سه‌رجه‌م هه‌ڵسووڕاوانی كرێكارای به‌ندكراو له‌ زیندان بوو.”