روودانی ئاگركه‌وتنه‌وه‌ له‌ شاری مه‌ریوان و ده‌وروبه‌ر

426y
به‌ پێی راپۆرته‌كان، له‌ ماوه‌ی رۆژانی رابردوودا، به‌شێكی به‌رچاو له‌ له‌وڕگه‌كانی ناوچه‌ی مه‌ریوان و دارستانه‌كانی نێو ئه‌م شاره‌ له‌ نێو ئاگردا سووتان.به‌ پێی ئه‌م راپۆرته‌، رۆژی پێنجشه‌ممه‌ ٢١ی مانگی جۆزه‌ردان، به‌شێكی به‌رچاو له‌ دارستانه‌كانی ئاوایی “قوڵقوڵه‌”ی سه‌ربه‌ شاری مه‌ریوان له‌ نێو ئاگردا سووتان. ئه‌م ئاگركه‌وتنه‌وه‌یه‌ ماوه‌ی سێ سه‌عات درێژه‌ی بوو و دواتر له‌ لایه‌ن خه‌ڵكی ناوچه‌كه‌ و ئه‌نجومه‌نی سه‌وزی چیای ئه‌م شاره‌وه‌ كوژێندرایه‌وه‌. هه‌روه‌ها له‌م رۆژه‌دا، دوو شوێنی دیكه‌ له‌ دارستانه‌كانی پشتی گه‌ڕه‌كی چوارباغ و دارستانه‌كانی ده‌وروبه‌ری كارخانه‌ی “ئاسفاڵت كاران”ی مه‌ریوان له‌ نێو ئاگردا سووتان .