رێوره‌سمی ئه‌سپه‌رده‌كرانی ” مۆرته‌زا فه‌ره‌ج نیا”، كوژراوی سه‌ركوته‌كه‌ی ئیعتیرازاتی بێهبه‌هان

560q

به‌ پێی راپۆرته‌كان، رۆژی شه‌ممه‌ ٢٨ی مانگی سه‌رماوه‌ز، سه‌ره‌ڕای رێوشوێنی توندی ئه‌منییه‌تی هه‌زاران كه‌س له‌ خه‌ڵكی شاری بێهبه‌هان له‌ رێوره‌سمی ئه‌سپه‌رده‌كردنی ” مۆرته‌زا فه‌ره‌ج نیا”، ئه‌و كرێكاره‌ی كه‌ له‌ ناڕه‌زایه‌تی خه‌ڵكی ئاوایی “شه‌هروویی” ئه‌م شارستانه‌ به‌ ده‌ستی مه‌ئموورانی رژیم كوژرا، كوبوونه‌وه‌.
خۆپیشانده‌ران به‌ به‌رز راگرتنی یادی مۆرته‌زا فه‌ره‌ج نیا و هه‌ڵگرتنی به‌نێرێك به‌ ناورۆكی “ئه‌و باوكه‌ی كه‌ بۆ نان گیانی له‌ ده‌ستدا”، خوازیاری ناساندن و موحاكه‌مه‌ی بكوژانی ئه‌م كرێكاره‌ بوون. جێگه‌ی وه‌بیرهێنانه‌وه‌یه‌ مۆرته‌زا فه‌ره‌ج نیا له‌ رێكه‌وتی ٢٤ی مانگی سه‌رماوه‌ز، له‌ ئه‌نجامی كوبوونه‌وه‌ی كرێكاران و لاوانی “شه‌هروویی” بێهبه‌هان له‌ ناڕه‌زایه‌تی به‌ بێكاریی و نه‌بوونی بیمه‌ی بێكاری، به‌ زه‌بری‌ گولله‌ی مه‌موورانی ئینتیزامیی رژیم كوژرا. یه‌كێكی دیكه‌ له‌ كرێكاران به‌ ناوی “ئیبراهیم شه‌هروویی”ش به‌ قورسی برینداربووه‌ و تا ئیستا له‌ بیمارستان به‌سته‌ری كراوه‌. هێزه‌كانی رژیم هه‌روه‌ها چه‌ندین كه‌س دیكه‌یان له‌ خۆپیشانده‌رانیان ده‌ستبه‌سه‌ر كردووه‌.