سه‌ركوتی خه‌ڵكی مهاباد پاش خۆپیشاندان به‌ بۆنه‌ی خۆكوژیه‌كه‌ی فه‌ریناز خوسره‌وانی

217y
به‌ پێی راپۆرته‌كان، خۆپیشاندانی خه‌ڵكی شاری مهاباد به‌ بۆنه‌ی جه‌نایه‌تی خاوه‌نكاری هوتێلی تارا و مه‌ئموورێكی هێزی ئیتلاعاتی رژیم، به‌ ده‌خاڵه‌تی هێزه‌كانی گاردی تایبه‌ت به‌ توندوتیژی كێشرا. دوانیوه‌ڕۆی رۆژی پێنجشه‌ممه‌ ١٧ی مانگی گوڵان، خه‌ڵكی شاری مهاباد بۆ مه‌حكوم كردنی ئه‌م جه‌نایه‌ته‌‌ له‌به‌رده‌م هوتیلی “تارا”ی ئه‌م شاره‌ خۆپیشاندانێكیان به‌ڕێوه‌برد. پاش كۆبوونه‌وه‌ی خه‌ڵك له‌به‌رده‌م ئه‌م هوتێله‌ هێزه‌كانی رژیم بۆ بڵاوه‌ پێردكنی خه‌ڵك له‌ چه‌كی ساچمه‌یی و گازی فرمێسكڕێژ، كه‌ڵكیان وه‌رگرت و خه‌ڵكیش به‌ هاویشتنی به‌رد به‌ره‌وڕووی هێزه‌كانی رژیمه‌ بوونه‌وه‌. جێگای ئاماژه‌یه‌، له‌ جه‌ریانی ئه‌م خۆپیشاندانه‌ ژماره‌یه‌ك له‌ خۆپیشانده‌ران به‌ توندی بریندار بوون. له‌م جه‌ریانه‌دا، به‌شێك له‌ بینای هوتیله‌كه‌ ئاگری تێبه‌ردرا. شایانی باسه‌ له‌ حاڵی حازردا كه‌شوهه‌وای ئه‌م شاره‌ له‌ لایه‌ن هێزه‌كانی رژیمه‌وه‌ به‌ ته‌واوی ئه‌منیه‌تی كراوه‌ و رێگای هاتووچۆی هاوڵاتییان به‌ توندی كونتڕۆڵ ده‌كرێت.