سه‌نگسار و قه‌تلی ٥ ژن له‌ هێند

215
به‌ پێی راپۆرتی هه‌واڵنێرییه‌كان، ژماره‌یه‌ك له‌ خه‌ڵكی ئاواییه‌كانی رۆژهه‌ڵاتی هێند، ٥ ژنیان به‌ تۆمه‌تی ناڕه‌وای “جادوگه‌ری”، به‌ شێوه‌یه‌كی وه‌حشیانه‌ سه‌نگسار كرد.به‌ وته‌ی پولیسی ئه‌یاله‌تی “جاركه‌ند”ی هێند، هێرشبه‌ران نیوه‌شه‌و‌ی رابردوو به‌ هێرش بۆسه‌ر ماڵی ئه‌م ژنانه‌، ئه‌وانیان دایه‌ به‌ر لێدان و ئه‌زیه‌ت و ئازار و ده‌ستبه‌سه‌ریان كردن. شایانی باسه‌ نزیكه‌ی مانگێك له‌مه‌و‌به‌ریش له‌ هێرشێكی هاوشێوه‌دا، ژنێك به‌ تۆمه‌تی جادوگه‌ری، به‌ شێوه‌ی به‌كۆمه‌ڵ هێرشی كرایه‌ سه‌ر. به‌ پێی ئاماری ره‌سمی، له‌ ساڵی ٢٠٠٠ تا ٢٠١٢ی زایینی، زیاتر له‌ دوو هه‌زار ژن به‌ تۆمه‌تی جادوگه‌ری له‌ هێند كوژراون.